0

Pantun Bahasa Padang sarat Makna


Bemo mati hiduik badorong
Masinnyo iduik bunyi mandasau
Demo kini Sabana Talongsong
Presiden SBY baumpamoan kabau


tangkok di tangkok anak lambau
bungkuih dibao ka sungai dareh
disangko maracak pungguang kabau
ruponyo nilva mamaguik karuang bareh


tangah malam urang basaluang
basuluah di ateh rumpuik
ambiek salumuik lalok bagaluang
bulieh bakaruah usah takantuik


dek sero makan jo cancang
ndak sadar rumah kanai maliang
mangalah duduak di ateh pancang
beko sarupo jo ayam guliang


juluak jo galah buah kuini
buah tomaik di ateh lantai
dimanolah posisi uni kini?
tulihlah alamaik kiriman patai


Rami anak sikolah di nagari pauah
Rami manunggu taufik kiemas
Basaba sanak nan di rantau jauah
Patai nan sadang kito kemas


Rang gadih ka tapi pantai
Ka pantai mambasuah kaki
Coitu bana lamaknyo patai
Nasi dimakan nan jo baki


Usahlah sanak ka kandang kudo
Beko kanai sipak duo jo tigo
Klu sanak indak picayo
Maronggoklah dakek ikua kudo


Kabek ayam di ateh lantai
Ayam di kabek jo basi rantai
Iyo sero makan di pantai
Sambalado jo uwok patai


Di ateh paga ayam bajejer
Bakukuak tando ari ka siang
Lamak bana rasonyo burger
Alun sa lamak gulai jariang


Rang taratak pambuek kapa
Mamakai pancang kayu kamper
Lah sajak tingga di eropa
Tantu lah batuka randang jo burger


Takan kana forum nan rancak
Tagalak ambo diateh oto
Jan ditanyo manga kok galak
Kito sadonyo ko nana lah boco


Sajak barangkek si anak rajo
Pai nyo malapeh si dayang
Sajak mato dek rabun sanjo
Lah tatuka ameh jo loyang


Baruak gilo mamanjek karambia
Siamang buruak di dalam rimbo
Alah lamo ambo bapikia
Alun jo salasai pantun ambo


Kini WC baunnyo ariang
"Batapa" sajo ka tapi pantai
Bulieh nak ilang baunnyo jariang
Sanak makan sajo uwok patai


 



Pantun Cinta Bahasa Minang dan Artinya



Duo tigo toko di Padang
Sabuah sajo toko basi.
Duo tigo bungo nan kambang,
Sabuah sajo nan di hati.


Artinya:
Banyak terdapat toko di Padang,
Sebuah saja yang toko besi.
Banyak bunga yang sedang kembang
Sebuah saja yang dihati.



Taluak Bayua ikannyo jinak,
Bao mamapeh dari sampan.
Ayam sikua musang kok banyak,
Raso kalapeh dari tangan.


Artinya:
Teluk Bayur, ikannya jinak,
Bawa memancing dari sampan.
Ayam satu ekor, musang kok banyak,
Rasa akan lepas dari tangan.



Ang Parik Putuih kalapau randah,
Mambao balam dalam sarangnyo.
Kasieh putuih sayang tak sudah,
Lauik nan dalam nan di hadangnyo.


Artinya :
Orang Parit Putus ke Lepau Rendah,
Membawa balam dalam sarangnya.
Kasih putus, saying tak sudah,
Laut yang dalam nan dihadangnya.


Rami urang ditangah balai,
Rami dek anak urang Tiku.
Bia kini kito bacarai,
Asalkan nanti kito batamu.


Artinya:
Ramai orang ditengah balai (pasar),
Ramai oleh anak orang Tiku.
Biarlah kini kita bercerai,
Asalkan nanti kita bertemu.



Kain batiek tabang mangirok.
Unduang-unduang anak rang Bayang.
Tampak adiek darah tasirok,
Badan bak raso bayang-bayang.


Artinya :
Kain batik terbang mengirap,
Undung-undung anak rang Bayang.
Tampak adik darah tersirap
Badan bak rasa bayang-bayang



Bia badarai padi sipuluik,
Jiko badarai mangko dikaka.
Bia bacarai kito dimuluik,
Asa dihati indak batuka.


Artinya :
Biar berderai padi sipulut (ketan),
Jika berderai makanya disebar.
Biar bercerai kita dimulut,
Asal dihati, tidak bertukar.



Anak urang Tanjuang Andaleh,
pai kabalai hari sanjo.
Bia habih bialah tandeh,
Hati den kanai kaba-a juo.


Artinya:
Anak orang Tanjung Andalas
Pergi ke pasar pada hari senja.
Biar habis, biarlah ludas,
Hati saya kena, bagaimana lagi.


Duduak bajuntai ateh balai.
Mamandang katangah labuah.
Isuak kasamo kito rasai,
Didalam aie badan bapaluah.


Artinya :
Duduk berjuntai diatas balai,
Memandang ketengan labuh (jalan).
Nanti akan sama kita rasakan,
Didalam air badan berpeluh.

Posting Komentar

 
Top